Përmbytet anija me emigrantë në Libi, 27 të vdekur, mes tyre dy gra dhe një fëmijë

Të paktën 27 emigrantë janë gjetur të vdekur pasi varka me të cilën po udhëtonin u përmbyt.

Mediat e huaja shkruajnë se mes viktimave ndodhej një fëmijë dhe dy gra.

Trupat e emigrantëve u gjetën në qytetin bregdetar të Khims, rreth 90 km nga Tripoli.

Tragjedia me emigrantët vijon të përsëritet. Sipas agjencisë së Emigracionit të OKB-së këtë vit , rreth 1,500 emigrantë janë mbytur në përpjekje për të arritur në Europë.