Palestinezët festojnë pas arritjes së armëpushimit: “Fituam!”

Palestina dhe Izraeli që nga sot nisin armëpushimin, që u vendos një ditë më parë, pas më shumë se dy javë bombardime. Mësohet se pas vendimit, palestinezët dolën për të festuar nëpër rrugët e Gazës, ndërsa një zyrtar i lartë i Hamasit në një fjalim u shpreh se grupi e ka fituar luftën.

"Ky është një gëzim i fitores", tha Khalil al-Hayya, një anëtar i byrosë politike të lëvizjes islamike në Rripin e Gazës. Në fjalën e tij ai premtoi se shtëpia e tyre do rindërtohen.

Lufta nisi më 8 maj nga Izraeli, që sulmoi një xhami në Palestinë, ndërsa kundërpërgjigja nisi më 10 maj.  Ndërkohë, raporti i vdekjeve në më shumë se dy javë luftë, tregon se janë vrarë 232 vendas nga forcat izraelite, ndërsa kanë humbur jetën 12 izraelitë.