Përshkallëzohet situata në Mianmar, shkon në 807 numri i viktimave

Protestat në Mianmar nuk janë ndalur, ndërsa mësohet se ka shkuar në 807 numri i protestuesve të vdekur, që nga shkurti i këtij viti. Shoqata e Ndihmës për të Burgosurit Politikë në daljen e fundit për media bëri me dije se 24 orët e fundit u vranë edhe dy protestues në rajonin Bogo.

Protestat pro-demokracisë po zhvillohen në të gjithë vendin. Ushtria përmbysi qeverinë e zgjedhur të Aung San Suu Kyi, e arrestoi atë dhe drejtuesit e tjerë të partisë së saj të Lidhjes Kombëtare për Demokraci dhe më pas shtypi me forcë vdekjeprurëse protestuesit antigrusht shteti.