Paditet për herë të dytë ish-drejtori i FBI-së, çfarë akuzash rëndojnë mbi James Comey?

Ish-drejtori i FBI-së, James Comey, është paditur për herë të dytë nga Departamenti i Drejtësisë në SHBA, nën administratën e Donald Trump, në një zhvillim të ri që ka rihapur një nga përplasjet më të forta politike në Uashington.

Sipas mediave ndërkombëtare, çështja lidhet me akuzat se Comey ka dhënë dëshmi të rreme përpara Kongresit lidhur me rrjedhjet e informacionit drejt mediave, një çështje që më herët ishte ngritur dhe më pas ishte rrëzuar nga një gjykatës federal për shkak të parregullsive procedurale në emërimin e prokurorit.

Rihapja e padisë vjen në një moment kur ish-presidenti Donald Trump ka kërkuar publikisht që disa nga kundërshtarët e tij politikë të përballen me drejtësinë, përfshirë edhe Comey-n, të cilin e ka akuzuar për “politizim të sistemit të drejtësisë” gjatë hetimeve për ndërhyrjen ruse në zgjedhje.

Avokatët e Comey-t nuk kanë dhënë ende një reagim për zhvillimet e fundit, ndërsa çështja pritet të vijojë në gjykatë në javët në vijim.