Ngushtica e Hormuzit nën kërcënim: Vendet e Gjirit synojnë tubacione të fshehta për të shmangur Iranin

Kërcënimi i kontrollit të pakufizuar iranian mbi Ngushticën e Hormuzit po shtyn vendet e Gjirit të rivlerësojnë projektet për tubacione të reja, që do të lejonin eksportin e naftës dhe gazit pa u ekspozuar ndaj ndërprerjeve.

Arabia Saudite po konsideron zgjerimin e tubacionit ekzistues Lindje-Perëndim, i ndërtuar në vitet 1980 për të shmangur Hormuzin, si dhe ndërtimin e rrugëve të reja, përkundër kostove të larta dhe sfidave politike.

Ekspertët thonë se një rrjet tubacionesh multidimensional do të ishte zgjidhja më rezistente, duke krijuar një “web korridorësh” që lidh vendet e Gjirit me portet në Detin e Kuq dhe Detin Mesdhe.

Këto projekte do të përballen me sfida teknike dhe politike, përfshirë terren të vështirë, rreziqe sigurie si bomba të pa shpërthyera dhe praninë e militantëve, si dhe nevojën për koordinim midis shteteve të ndryshme.

Disa projekte të mëparshme, përfshirë korridorin IMEC që do të lidhte Indi-Gjirin-Europën, ishin bllokuar për shkak të komplikimeve politike, por tani, sipas këshilltarëve të Lindjes së Mesme, situata ka ndryshuar dhe shtetet e Gjirit po i shohin këto alternativa si të domosdoshme.

Opsionet më të mundshme mbeten zgjerimi i tubacionit ekzistues Lindje-Perëndim dhe përdorimi i rrugës së Abu Dhabit drejt Fujairah, që mund të rrisë kapacitetin pa ndërtuar infrastrukturë ndërkufitare të re.

Ekspertët paralajmërojnë se situata energjetike dhe tensionet rajonale e bëjnë të qartë se vendet duhet të kontrollojnë rrugët e tyre të eksporteve për të shmangur bllokimet.