Loja e saj e preferuar i mori jetën, 33-vjeçarja në Kazakistan la pas 3 fëmijë

Një tragjedi ka ndodhur në Kazakistan. Mësohet se ka ndërruar jetë Yevgenia Leontyeva, 33-vjeçe, gjatë një aktiviteti të rrezikshëm. Mediat ndërkombëtare shkruajnë se nëna e tre fëmijëve kërceu me llastik, por përfundoi në tragjedi.

Ajo bie nga 30 metra lartësi dhe pësoi plagë të shumta pasi litari i saj mbështetës nuk ishte siguruar në vendin e mbajtjes.

Dëshmitarët në skenë dëgjohet që ulërasin teksa të tjerë nxitojnë poshtë për të ndihmuar gruan pas rënies. Yevgenia kishte bërë shumë hedhje të tilla dhe pëlqente sportet aktive, por megjithë operacionet për plagët në kokë nuk arriti të mbijetonte.

Një litar i dytë që duhet të zbuste rënien e saj nuk ishte fiksuar si duhej apo nuk ishte lidhur fare në pemën përballë vendit të kërcimit. Ajo rrjedhimisht u përplas në tokë dhe më pas u tërhoq 3-4 metra derisa u përplas me një mur. /TCH