I infektuar me Covid-19, kryeministri i Luksemburgut në gjendje të rëndë shëndetësore

Gjendja shëndetësore e kryeministrit të Luksemburgut Xavier Bettel është në gjendje serioze, por e qëndrueshme. Të paktën kështu tha qeveria në një njoftim zyrtar. Kujtojmë se Bettel u shtrua në spital dy ditë më parë, pasi kishte oskigjenin e dobët.

48-vjeçari kishte marrë dozën e parë të vaksinës më 6 maj. Ai rezultoi pozitiv me koronavirus 1 javë pas samitit 2-ditor të BE-së në Bruksel në fund të muajit qershor, ku mes pjesëmarrësve ishin presidenti francez Emanuel Macron, kancelarja gjermane Angela merkel e lidera të tjerë europianë.

Organizatorët e samitit të BE-së thanë se ishin të sigurt se të gjitha masat e parandalimit të virusit ishin respektuar në mënyrë rigoroze gjatë takimit dyditor. Deri më tani, asnjë udhëheqës tjetër nuk ka treguar të ketë rezultuar pozitiv.