“Fuqia e nënës”/Nga spitali ku kujdesej për djalin 1-vjeçar, 23-vjeçarja punoi për diplomën e universitetit

Njihuni me 23-vjeçaren Valeria Carannante, e cila kaloi periudhën më të vështirë të jetës, por edhe më të bukur. Nënë e një djali 1-vjeçar, ajo njëkohësisht punoi diplomën e universitetit, por ndryshe nga të gjithë, ajo e punoi atë në spital, pasi djali i saj ishte sëmurë.

Mediat italiane shkruajnë se e reja ka pasur “krah” edhe ekipin mjekësor të cilët i ka falënderuar përmes një postimi në rrjetin e saj social Facebook, për përkujdesen maksimal të treguar ndaj të birit.

“Falënderoj të gjithë ekipin e departamentit të nefrologjisë Santobono, për të gjithë kujdesin që po i japin të voglit tim. I falenderoj që më kanë treguar për gjendjen e tij shëndetësore si dhe për mbështetjen që i kanë dhënë në ditët më të vështira. Falënderoj profesor Pecoraro, një mjek, dhe një njeri të jashtëzakonshëm, për atë që bëri për djalin tim.”, shkruan ajo në postim.