Fluturimet e para mes Zelandës dhe Australisë, pasagjerja: Do bërtas, jam e lumtur (Foto)

Pas një kohe të gjatë, ribashkohen familjet dhe miqtë mes Australisë dhe Zelandës së Re, pas vendimit të fundit mes qeverive.

Mediat vendase shkruajnë se avioni i parë ishte plot emocion dhe pasagjerët dukeshin shumë të lumtur.

"Dobërtas, dua të përqafoj këdo, ndihem e lumtur - të gjitha këto emocione në të njëjtën kohë," i tha Denise O'Donoghue, një nga pasegjeret e para.

Hapja e kufirit mori vëmëndje të madhe në media në të dy vendet, me raportime të drejtpërdrejta televizive nga aeroportet që ofrojnë azhurnime të rregullta mbi progresin e fluturimeve.

Australia dhe Zelanda e Re i mbyllën kufijtë e tyre për jo-shtetasit dhe banorët e përhershëm më shumë se një vit më parë, duke ndihmuar në mbajtjen relativisht të ulët të numrave të të infektuarve me COVID-19 krahasuar me disa vende të tjera të zhvilluara.