Sulme të reja/ Izraeli paralajmëron, Katz: Gati të rifillojmë luftën me Iranin, presim dritën jeshile nga SHBA

Ministri izraelit i Mbrojtjes, Israel Katz, ka deklaruar se Izraeli është i gatshëm të rifillojë një konflikt të mundshëm me Iranin dhe po pret një “dritë jeshile” nga Shtetet e Bashkuara për veprimet e ardhshme ushtarake.

Sipas tij, ushtria izraelite është në gatishmëri të plotë si për operacione mbrojtëse, ashtu edhe për ato sulmuese, duke theksuar se objektivat e mundshme janë tashmë të përcaktuara. Deklarata është bërë pas një vlerësimi të situatës së sigurisë në vend.

Kjo deklaratë vjen në një moment tensionesh të vazhdueshme në Lindjen e Mesme, ku marrëdhëniet mes Izraelit dhe Iranit mbeten të përshkallëzuara prej vitesh, kryesisht për shkak të ndikimit rajonal dhe zhvillimeve ushtarake.

Ndërkohë, një përshkallëzim i mundshëm i konfliktit shihet si shqetësues jo vetëm për rajonin, por edhe për stabilitetin ekonomik dhe politik global, duke rritur pasigurinë për zhvillimet e ardhshme diplomatike dhe ushtarake.