Duhet të marrë recetë me bazë kanabisi, 9-vjeçari kërkon ndihmë nga kryeministri Johnson (Foto)

Një rast i rallë ka ndodhur në Britani. Mësohet se një djali i vogël, vetëm 9-vjeç, ka shkuar në shtëpinë e kryeministrit Boris Johnson dhe ka kërkuar ndihmë nga ai. I mituri, Thomas Braun, nën shoqërinë e së emës u prezantua në derën e rezidencës së kryeministrit Johnson me një letër në dorë.

Ai ia dorëzoi rojeve. Në letër, 9-vjeçari kërkonte ndihmë për marrjen e një recete mjekësore me bazë kanabisi për vëllanë e tij, i sëmurë nga epilepsia.

Mes të tjerash, në letër Thomasi shpjegon se vëllai ka nevojë për kura të kushtueshme dhe se prindërit e tij duhet të punojnë shumë për t’i blerë ato.