Zjarr i përmasave të mëdha në kodrat e Pojanit, flakët rrezikojnë Parkun e Apolonisë

Një zjarr i përmasave të mëdha ka rënë këtë pasdite në kodrat e Pojanit, në Fier, duke përfshirë një sipërfaqe të konsiderueshme me bimësi.

Era e fortë po favorizon përhapjen e flakëve, ndërsa situata mbetet shqetësuese për shkak të afërsisë me Parkun Arkeologjik të Apolonisë.

Nga pamjet e siguruara nga Top Channel shihet një re e madhe tymi që është ngritur mbi kodra dhe po përhapet në zonën përreth.

Rreziku për përhapjen e zjarrit mbetet i lartë për shkak të kushteve atmosferike dhe erës, ndërsa pritet ndërhyrja e forcave zjarrfikëse për vënien nën kontroll të flakëve.