U përplas në vijat e bardha në aksin Pogradec-Lin, ndërron jetë e moshuara

Ka ndërruar jetë rrugës për në spitalin e Traumës Manushaqe Gjoka, e moshuara që u përplas mëngjesin e sotëm në aksin Pogradec – Lin.

Burime nga vendngjarja bëjnë me dije se viktima, e cila kishte ardhur për pushime nga Durrësi, u përplas pranë vijave të bardha përballë hotelit ku qëndronte, në zonën e njohur si “Pojskë”, teksa po kalonte rrugën.

Pavarësisht përpjekjeve për ta transportuar në spitalin e kryeqytetit, e moshuara ndërroi jetë në afërsi të qytetit të Elbasanit. Policia po punon për zbardhjen e rrethanave të aksidentit.