U ekstradua nga Belgjika si pjesë e grupit kriminal, lihet në burg Sergej Hasanpapaj

Një ditë më parë, u ekstradua nga Belgjika Sergej Hasanapapaj, i dyshuar si pjesë e një grupi kriminal që vepronte në Elbasan.

GJKKO i ka komunikuar masën e arrestit me burg 32-vjeçarit.

Hasanpapaj ishte në kërkim ndërkombëtar, pasi Gjykata e Posaçme e Shkallës së Parë për Korrupsionin dhe Krimin e Organizuar, në vitin 2024, i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë dhe kryer në kuadër të organizatës kriminale, dhe “Mbajtja pa leje dhe prodhimi i armëve, armëve shpërthyese dhe i municionit”.