U arrestua për korrupsion, Gjykata e Tiranës liron Tiren e “famshme” të Sanatoriumit

Gjykata e Tiranës ka lënë të lirë Tiren, sanitaren e Sanatoriumit, e cila akuzohet për korrupsion.

Mësohet se Gjykata ndryshoi masën nga arrest me burg në arrest shtëpie. 

Kujtojmë se Tirja u arrestua, pasi emisioni STOP publikoi pamjet kur sanitarja pranonte që ka marrë 800 mijë lekë për shërbimin e një klienteje e cila ishte e infektuar me Covid-19, por që fatkeqësisht ndërroi jetë.

Videon e publikoi vajza e viktimës, e cila pretendon se stafi mjekësor ka marrë para por nuk ka bërë shërbimin e duhur. Në video, Tire Alldervishaj i thotë se paratë i ka ndarë me disa infermierë dhe shprehet e habitur se si ata e kishin mohuar këtë fakt.