Shqiptarët e Kosovës “pushtojnë” vendin, 41 mijë qytetarë futen në kufi këtë fundjavë

Fundjava e nxehtë ka ‘detyruar’ qytetarët e Kosovës që të nisen drejt Shqipërisë. Mësohet se të premten dhe të shtunën, në vendkalimin kufitar të Vërmicës kanë kaluar 41 mijë e 146 persona dhe rreth 12 mijë automjete.

Njoftimi u dha nga policia e kosovës, duke bërë të ditur se gjatë ditë së premte kanë kaluar 5 mijë e 574 vetura me 19 mijë e 374 qytetarë. Ndërsa, vetëm gjatë ditës së djeshme, janë 6 mijë 158 vetura me 21,772 pasagjerë. Po ashtu, gjatë kësaj periudhe kanë kaluar 261 autobusë.

Policia tregon se në tri rajonet kufitare gjatë këtyre dy ditëve kanë kaluar gjithsej 23 mijë e 3 vetura me 74 mijë e 567 persona. Ministria për Evropën dhe Punët e Jashtme e Shqipërisë ka njoftuar se të gjithë ata që duan të udhëtojnë drejt Shqipërisë, nuk kanë asnjë kufizim qoftë për test COVID-19 apo ndonjë dokument të veçantë.

Sipas njoftimit zyrtar ky vendim ka hyrë në fuqi nga data 1 qershor. Po ashtu, duke filluar nga 1 korriku, ora policore shtyhet në orën 24:00 – 06:00.