Shisnin kokainë në Tufinë e Fresk, bien në pranga dy trafikantë në Tiranë

Policia e Tiranës ka vënë në pranga dy persona të dyshuar për shpërndarje të lëndëve narkotike në zona të ndryshme të kryeqytetit.

Të arrestuarit janë I.D 58-vjeçar dhe K.D 26-vjeçar, të cilët dyshohet se ushtronin aktivitetin kriminal në zonat e Tufinës, Kinostudios dhe Freskut.

Gjatë kontrolleve të ushtruara nga uniformat blu, atyre iu sekuestruan 1.3 kilogramë kokainë, e ndarë në doza të gatshme për shitje. Lënda narkotike u gjet gjatë kontrollit fizik, në automjetin me të cilin lëviznin si dhe në banesat e tyre.

Në cilësinë e provës materiale u sekuestruan gjithashtu automjeti që përdornin dhe dy celularë. Ndaj tyre kanë nisur hetimet e mëtejshme për identifikimin e bashkëpunëtorëve dhe rrjetit të mundshëm të shpërndarjes së drogës në Tiranë.