Zbardhet dinamikë e vrasjes në Fier: Vajza e goditi babanë në pjesët intime, i dashuri i mbante duart teksa ajo e mbyste me tel

Zbardhen detaje të reja nga vrasja makabre në Frashër të Fierit, ku 26-vjeçarja Ermalinda Rama dyshohet se ka vrarë babanë e saj, Anesti Rama, duke e mbytur me tel, me ndihmën e të dashurit të saj, Çlirim Dogani.

Gazetarja e Top Channel, Dorjana Bezat, raporton se në momentin e krimit kanë qenë prezentë vajza, nëna e saj dhe Çlirim Dogani. Sipas burimeve, fillimisht vajza e ka goditur babanë në organet gjenitale. Kur viktima ra në tokë, Dogani i ka mbajtur duart, ndërsa ajo e ka mbytur me tel. Dyshohet gjithashtu se janë përdorur edhe mjete të forta dhe prerëse.

Nëna e 26-vjeçares dyshohet se ka ndihmuar në fshehjen e gjurmëve dhe pastrimin e gjakut nga vendi i ngjarjes. Ngjarja është zbuluar përmes përgjimeve telefonike, ku vajza komunikonte me Doganin, me të cilin kishte një lidhje intime, ndonëse ai ishte i martuar dhe baba i dy fëmijëve.

Hetimet vazhdojnë për zbardhjen e plotë të rrethanave të kësaj ngjarjeje tragjike.