Rruga e re Bulqizë–Librazhd hap korridorin e ri turistik, Rama publikon pamjet

Kryeministri Edi Rama ka ndarë mëngjesin e sotëm pamje nga rruga e re Bulqizë–Librazhd, konkretisht aksi Ura e Çerenecit–Zgosht. Sipas tij, kjo vepër infrastrukturore jo vetëm që lidh Dibrën me Elbasanin, por krijon një korridor të ri lindor që shërben si urë për zhvillimin e turizmit malor dhe ekonomisë rurale.

“Jo vetëm afron më shumë bukuritë natyrore dhe pasuritë e turizmit malor, por nxit edhe ekonominë rurale, duke i dhënë jetë sipërmarrjeve të reja bujqësore e turistike,” – shkruan Rama, duke e shoqëruar njoftimin me pamje nga rruga e përfunduar.

Ky projekt pritet të lehtësojë qarkullimin në zonat malore, të sjellë më shumë vizitorë dhe të hapë mundësi të reja për zhvillim lokal në veri dhe lindje të vendit.