Rrëzohet nga këndi i lojërave në Shëngjin, 2-vjeçari dërgohet me urgjencë në Tiranë

Një incident i rëndë është shënuar mbrëmjen e 30 korrikut në Shëngjin, ku një fëmijë 2 vjeç është rrëzuar nga një kënd lojërash në ambientet e një kompleksi pushimi.

Fëmija u transportua fillimisht nga familjarët në spitalin e Lezhës dhe më pas, për shkak të gjendjes së tij, u dërgua me urgjencë drejt Spitalit të Traumës në Tiranë. Fatmirësisht, sipas njoftimit zyrtar të Policisë, 2-vjeçari ndodhet jashtë rrezikut për jetën.

Ngjarja ka ndodhur rreth orës 22:00 dhe është regjistruar nga autoritetet si një incident serioz që kërkon hetim të plotë. Policia ka nisur verifikimet për të sqaruar rrethanat e rrëzimit dhe nëse janë respektuar standardet e sigurisë në ambientin ku ndodhi ngjarja.