Sherri mes shokëve në Borsh, identifikohen autori dhe i plagosuri

Pas një konflikti të dhunshëm që ndodhi në një lokal në Borsh, autoritetet kanë shoqëruar personin e dyshuar për plagosjen me armë zjarri.

Rreth orës 02:20 të mëngjesit të datës 31.07.2025, Komisariati i Policisë Himarë mori njoftim për një konflikt në një lokal në Borsh. Menjëherë forcat e policisë shkuan në vendngjarje dhe nisën hetimet.

Nga verifikimet dhe pamjet filmike u zbulua se shtetasi H. Ç., 42 vjeç, banues në Borsh, ka qëlluar me armë zjarri automatike shtetasin E. Sh., 33 vjeç, nga Kruja. I plagosuri ndodhet jashtë rrezikut për jetën.

Autori i dyshuar është lokalizuar dhe ndodhet në ambientet e Drejtorisë Vendore të Policisë Vlorë, ku po kryhen veprimet e mëtejshme procedurale. Në lidhje me ngjarjen janë shoqëruar edhe disa persona të tjerë që morën pjesë në konflikt.

Hetuesit e Krimeve të Rënda në DVP Vlorë, në bashkëpunim me Prokurorinë, vazhdojnë punën për sqarimin e plotë të rrethanave, gjetjen e armës së përdorur dhe dokumentimin ligjor të ngjarjes.