Roja i "Casa Italia" ende nuk është gjetur, familjarët: Zjarfikësit s`kanë mjete për ta kërkuar

Po merr permasa tragjike zjarri ne magazinat e Casa Italia ne Tirane pasi ende asnjë gjurmë nuk është gjetur per rojen e sigurise Arjan Sala, qe punonte në magazinën që u përfshi nga flakët 3 ditë më parë.

Sipas familjareve 33-vjeçari shpëtoi jetën e disa punonjësve të tjerë por vetë nuk ia doli të dilte duke mbetur brenda amtientit ku  tentoi të shuante flakët.

Shërbimit zjarrfikës i kanë ardhur në ndihmë dhe punonjësit e të njëjtit sektor të aeroportit të Rinasit edhe inxhinierët e minierave që operacioni i kërkim shpëtimit të 33-vjeçarit të mos vonohet më.

Familjarët e të riut që dyshohet se ka ndërruar jetë gjatë orarit të punës me ankthin e pritjes së gjetjes së trupit akuzojnë zjarrfikësit për mos pasjen e pajisjeve të duhura.

Debati me zjarrfikesit:

Si do e shpëtoni djalin kur s’keni pajisje?- thane familjaret.

“Pavarësisht se jam në post drejtues jam palë me ju. Ju kuptoj dhimbjen”, tha zyrtari i zjarrfikeseve.