Prezantohej si përfaqësues i fondacionit të bamirësisë, merr fund mashtrimi i 23-vjeçarit, sekuestrohen paratë dhe...

Një 23-vjeçar në kryeqytet është vënë në pranga, pasi shtirej si përfaqësues i një fondacioni bamirësie për të përfituar para.

NJOFTIMI I POLICISË

“Arrestuan në flagrancë shtetasin S. H., 23 vjeç, pasi dyshohet se duke u prezantuar si përfaqësues i një fondacioni bamirësie, i ka marrë një shumë parash një shtetasi, duke e mashtruar se i nevojiteshin një shtetasi të mitur për të kryer një ndërhyrje kirurgjikale. Në cilësinë e provës materiale u sekuestruan një shumë parash dhe disa dokumente”.

Materialet procedurale iu referuan Prokurorisë së Tiranës, për veprime të mëtejshme.