Pesë persona shoqërohen nga policia pas protestës para Kuvendit

Pesë persona janë shoqëruar nga Policia e Shtetit pas tensioneve të regjistruara gjatë protestës së zhvilluar para Kuvendit të Shqipërisë.

Sipas informacioneve paraprake, qytetarët janë shoqëruar në Komisariatin nr. 1 në Tiranë.

Ndërkohë, protesta vijon para Parlamentit, ku qytetarët kanë vijuar thirrjet kundër qeverisë dhe kanë kërkuar dorëheqjen e kryeministrit Edi Rama.

Në terren vijojnë të jenë të angazhuara forca të shumta policie dhe efektivë të Forcave të Ndërhyrjes së Shpejtë (FNSH).