Përfshihet nga flakët banesa në një pallat në Vlorë, detajet e para

Një banesë, në katin e katërt të një pallati është përfshirë nga flakët pasditen e sotme, në qytetin e Vlorës. Sipas policisë, si pasojë e zjarrit janë shkaktuar vetëm dëme materiale.

Vlorë/Informacion paraprak

Sot, rreth orës 18:30, në lagjen “24 Maji”, Vlorë, është përfshirë nga flakët banesa e shtetasit L. T, në katin e 4-të, të një pallati, ku janë shkaktuar vetëm dëme materiale.

Në vendngjarje kanë shkuar menjëherë shërbimet e Policisë dhe shërbimi zjarrfikës.

Grupi hetimor po punon për zbardhjen e rrethanave të ngjarjes dhe shkakut të rënies së zjarrit.