Zjarr i madh pranë qytetit turistik në Spanjë, qindra të evakuuar

Një zjarr i madh ka rënë gjatë ditës së sotme në Spanjën jugore ndërsa qindra persona janë evakuar. Ekipet zjarrfikëse po punojnë nga toka dhe ajri për shuarjen e flakëve në vargmalin Sierra Bermeja në provincën e Malagas.

Të paktën 500 persona u evakuuan pranë qytetit turistik të Esteponas, ndërsa trafiku rrugor është ndërprerë.

Vatrat e zjarrit po përhapjen brenda ditës. Rreth 250 zjarrfikës ndodhen në terren, ndërsa po ndihmohen nga 29 avionë.

Shërbimi rajonal i shuarjes së zjarrit tha se terreni i thyer e kishte bërë operacionin për fikjen e tij, mjaft të vështirë.

“Ka shpate të theksuara dhe ka një erë të fortë perëndimore që po e ndërlikon punën,” tha Infoca në një deklaratë.