Për “jetë a vdekje”, Sylvinho gati të shkruajë historinë ndaj Kroacisë

Shqipëria do të luajë me Kroacinë një nga ndeshjet më të rëndësishme në Euro 2024. Kuqezinjtë në orën 15:00 do të sfidojnë kroatët në sfidën e dytë në grupin B.

Në “Volksparkstadio” ekipet përplasin “brirët” vetëm për 3 pikët për të mbajtur “gjallë” shpresat për kalimin e grupit. Sylvinho do të luajë për “jetë a vdekje” , pasi ndaj kroatëve luan ndeshjen e “jetës”.

Aktualisht të dyja ekipet kanë nga 0 pikë në grupin B, pasi në sfidat e para të tyre janë mposhtur nga Italia dhe Spanja. Në këto kushte dueli mes tyre ditën e sotme është “finale” për vendin e 3-të.