Tritol makinës së policit në Shkodër, shpërthimi në oborrin e banesës

Nje sasi tritoli i eshte vendosur makinës së nje efektivi te policise në Shkodër.

Ngjarja ndodhi rreth orës 04:00, në lagjen “Tepe”.

Burime zyrtare nga policia bënë me dije se lënda plasëse ishte vendosur në automjetin e shtetasit me inicialet K. S., 50 vjeç, (punonjës Policie), i parkuar në oborrin e banesës.

Mësohet se tritoli ishte vendosur tek goma e pasme e automjetit.

Si pasojë është dëmtuar pjesërisht automjeti. Menjëherë në vendngjarje kanë shkuar forcat e Policisë të cilat vijojnë kontrollin në zonë.

Grupi hetimor nën drejtimin e Prokurorisë po kryen veprimet për sqarimin e rrethanave të ngjarjes, identifikimin dhe kapjen e autorit/eve.