Operacioni në Shqipëri/ Sekuestrohen 3 makina luksoze të vjedhura në Gjermani, vlera arrin 450 mijë euro

Aktualitet

Operacioni në Shqipëri/ Sekuestrohen 3 makina luksoze të vjedhura

Gjatë një operacioni të koduar “Stolen line”, specialistët e Hetimit të Trafiqeve të Paligjshme kanë goditur një tjetër rast të trafikimit të mjeteve luksoze drejt Shqipërisë, me vlerë totale rreth 450 mijë euro.

Në kuadër të aksionit u sekuestruan tri makine të vjedhura në Gjermani—përfshirë dy modele “Mercedes AMG” dhe një “S-Class”—ndërsa janë shpallur në kërkim dy të rinj të dyshuar si trafikouesit e tyre.

Gjithashtu, policia ka nisur procedimin në gjendje të lirë për tre persona të tjerë, të cilët u kapën në timon në momentin e bllokimit të mjeteve.

Njoftimi: 

Tiranë

Vijon operacioni policor i koduar “Stolen line”, kundër trafikimit në Shqipëri, të automjeteve luksoze të vjedhura jashtë shtetit.


Sekuestrohen 3 automjete luksoze, me vlerë totale rreth 450 000 euro, të dyshuara të vjedhura në Gjermani.


Procedohen penalisht 3 shtetas, të cilët i drejtonin automjetet në momentin e konstatimit.

Identifikohen dhe shpallen në kërkim 2 shtetas, të dyshuar se kanë trafikuar automjetet në Shqipëri.

Si rezultat i punës hetimore, të kryer në kuadër të operacionit “Stolen line”, me objektiv goditjen e rasteve të trafikimit në Shqipëri, të automjeteve luksoze, të vjedhura jashtë shtetit, specialistët e Seksionit për Hetimin e Trafiqeve të Paligjshme konstatuan një tjetër rast në këtë fushë.

Në vijim të veprimeve procedurale u sekuestruan 3 automjete luksoze, konkretisht 1 automjet tip “Mercedes Benz G-Class 63 AMG”, me vlerë rreth 200 000 euro, 1 automjet tip “Mercedes Benz GT 63 AMG”, me vlerë rreth 150 000 euro, dhe 1 automjet tip “Mercedes Benz S-Class 580e”, me vlerë rreth 100 000 euro.


Në lidhje me këtë rast u identifikuan dhe u shpallën në kërkim shtetasit F. D., 24 vjeç, dhe K. V., 22 vjeç, të dyshuar se kanë trafikuar në Shqipëri automjetet, me qëllim shitjen e tyre.

Gjithashtu, u proceduan penalisht në gjendje të lirë shtetasit E. H., 41 vjeç, S. U., 27 vjeç, dhe K. B., 39 vjeç, të cilët u konstatuan duke drejtuar automjetet në momentin e sekuestrimit të tyre.

Punohet për kapjen e 2 shtetasve të shpallur në kërkim, si dhe për dokumentimin e plotë të veprimtarisë kriminale dhe identifikimin e bashkëpunëtorëve të tyre.

Materialet procedurale iu referuan Prokurorisë, për veprime të metejshme.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion