Minatorët tri ditë në protestë, kërkojnë rirtjen e pagave dhe të shtunën ditë pushimi

Minatorët e Bulqizës janë të vendosur për të mos e ndërprerë protestën për rritjen e pagës dhe që ditët e shtuna të mos bëhen ditë pune.

Kjo e mërkurë shënon ditën e tretë që ata janë mbledhur sërish para hyrjes së galerisë më të madhe të kromit në Bulqizë që adminstrohet nga një kompani turke.

Minatorët e Bulqizës vijojnë bojkotin e punës, kërkojnë zbatimin e kontratës dhe rritje page
Ata thonë se nuk do të bëjnë asnjë hap pas deri në plotësimin e kërkesave.

“Në qoftëse nuk i plotësojnë kushtet deri në grevë mund të shkojmë.”

“Protesta do vazhdojë se nuk është plotësuar asnjë kusht, dje donin të bënin negociata, po nuk doli asgjë, se nuk u mor asnjë lloj masë duam të shtunën pushim dhe rritje page.”

Pezullimi i punës nga ana e minatorëve ka jo vetëm pasoja ekonomike për kompaninë por mund të krijojë edhe probleme në qëndrueshmërinë e galerisë e cila ka nevojë për mirëmbajtje të vazhdueshme.