Merr flakë makina në autostradën “Ibrahim Rugova”, Policia e Kosovës jep detajet

Një makinë ka marrë flakë në autostradën “Ibrahim Rugova”. Ngjarja ka ndodhur në aksin që lidh Prizrenin me Suharekën.

Zëdhënësi i Policisë së Kosovës, Bajram Krasniqi, tha se një defekt teknik mund të ketë qenë shkaktari i zjarrit, që përfshiu automjetin.

Mediat lokale kanë publikuar një video ku shihet automjeti i përfshirë në zjarr dhe puna intensive e shërbimeve të emergjencës, për të shmangur ndonjë pasojë të mëtejshme.