Greqi, gruaja vret të moshuarën në mes të rrugës për ta grabitur

Një ngjarje e rëndë është regjistruar mëngjesin e kësaj të mërkure në Ksanthi të Greqisë.

Një 75-vjeçare ka humbur jetën pasi u sulmua brutalisht nga një grua, e cila i mori çantën me forcë. Mediat helene raportojnë se 75-vjeçarja është sulmuar nga një grua e komunitetit rom, e cila është ende në arrati.

E moshura ka qenë në rrugë në momentin që grabitësja e ka sulmuar atë duke e goditur me forcë.

75-vjeçarja ka rënë pa ndjenja në tokë, dhe është dërguar me urgjencë në spital. Pavarësisht ndihmës mjekësore, e moshuara nuk ka mundur t’i mbijetojë plagëve të marra dhe ka ndërruar jetë.