Lëvizje në Policinë e Shtetit/ Pas dorëheqjeve, hapet gara për drejtimin e 5 komisariateve në vend

Policia e Shtetit pritet të ketë sërish ndryshime në strukturat drejtuese. Është hapur gara për drejtimin e pesë komisariateve në vend, mes tyre edhe disa që kanë mbetur pa drejtues për shkak të dorëheqjeve të fundit.

Konkretisht, gara është hapur për pozicionet:

Komisariati i Policisë Kufitare në Aeroportin “Nënë Tereza” – DVKM Tiranë

Komisariati i Policisë Kufitare Dibër – DVKM Kukës

Komisariati i Policisë Kufitare Sarandë – DVKM Vlorë

Komisariati i Policisë Nr. 2 – DVP Tiranë

Komisariati i Policisë Himarë – DVP Vlorë

Dy nga pozicionet janë shpallur të lira pas dorëheqjeve të ndodhura javët e fundit. Veçanërisht në Komisariatin e Himarës, ku Ritvan Pali dha dorëheqjen pas arrestimit të Altin Morinës. Edhe pse ligji parashikon që dorëheqjet duhet të pranohen brenda 30 ditëve, në këtë rast ajo është pranuar pas afro 60 ditësh.

Procesi i përzgjedhjes do të zhvillohet në përputhje me kriteret dhe procedurat e përcaktuara në ligjin për Policinë e Shtetit.