‘Karamele’ në mes të bulevardit kryesor në Durrës, zbulohet arsyeja e veçantë pse është vendosur para godinës së bashkisë

Një instalacion arti urban është vendosur sot përpara Bashkisë së Durrësit, duke tërhequr vëmendjen e qytetarëve dhe kalimtarëve.

Skulptura urbane, e realizuar në stilin pop-art, paraqet një karamele gjigante me shkëlqim metalik të kaltër, të vendosur mbi një bazament graniti.

Në qendër të saj është stampuar stema zyrtare e Bashkisë së Durrësit, ndërsa simbolika e përdorur ka ngjallur kureshtje dhe diskutime mes qytetarëve.

Kalimtarët kanë hedhur edhe sugjerime për objekte të tjera që mund të lidhen me problematikat e qytetit, duke e kthyer instalacionin në një pikë diskutimi.

Ndërkohë, nga Bashkia e Durrësit nuk ka ende një njoftim zyrtar mbi autorësinë e veprës apo mesazhin që përcjell instalacioni.