Humbi kontrollin e mjetit dhe doli nga rruga, vdes 43-vjeçari në Krujë

Një aksident me pasojë vdekjen e një personi ka ndodhur në orët e para të mëngjesit të sotëm. Ngjarja ka ndodhur në aksin rrugor Ura e Tapizës-Fushë Krujë, ku ka ndërruar jetën një 43-vjeçar. Sipas policisë, shtetasi E.C ka humbur kontrollin e mjetit e për pasojë ka dalë nga rruga.

“Krujë/Informacion paraprak. Më datë 15.10.2021, rreth orës 05:17, në aksin rrugor Ura e Tapizës-Fushë Krujë, një mjet me drejtues shtetasin E. C., 43 vjeç, banues në Kamëz, ka humbur kontrollin duke dalë nga rruga, e për pasojë ka ndërruar jetë.

Grupi hetimor ndodhet në vendngjarje dhe po punon për zbardhjen e rrethanave të aksidentit”, njofton policia.