Humbi jetën tragjikisht pas shpërthimit të gomës së kamionit në Durrës, del fotoja e 20-vjeçarit

Personi që shihni në foton e mëposhtme është 20-vjeçari që humbi jetën në qytetin e Durrësit mëngjesin e sotëm, teksa po ndërronte gomën e një kamioni në gomisterin ku punonte.

Ai është shtetasi Rafael Telaj, i cili ndërroi jetë tragjikisht në vendin e punës

Ngjarja e rëndë ndodhi rreth orës 08:50, në lagjen nr.14/1 në Kënetë të Durrësit.

Sipas dëshmitarëve shpërthimi i gomës ishte shumë i fuqishëm, ndërsa shtuan se ndihma e shpejtë të riut iu dha shumë vonë, duke bërë që ai të ndërronte jetë.

Mësohet se i riu kishte kohë që punonte dhe siguronte të ardhurat për familjen e tij, ndërsa fati i tij u pre në mes pas incidentit që i mori jetën.