Fiken sistemet e trafikut ajror, fluturimet vonohen me mbi 1 orë, pasagjerët mbeten në pritje në Rinas

Pasagjerë të shumtë janë filmuar duke pritur në Rinas, ndërsa problemi teknik që preku sistemet e trafikut ajror shkaktoi vonesa mbi një orëshe në fluturimet e tyre

Pamjet që vijnë për Mediat tregojnë sallën e aeroportit të mbushur me udhëtarë në pritje për tu nisur në destinacionet e tyre. 

Trafiku ajror u pezullua përkohësisht për shkak të një problemi teknik të dyshuar në sistemin e radarëve të Albcontrol.

Kjo bëri që të krijohej një bllokim dhe kaos i përkohshëm në terminal, me radhë të gjata udhëtarësh.

Megjithatë, defekti u identifikua dhe u zgjidh shpejt nga tekniko-inxhinierët, duke bërë që fluturimet të rinisin menjëherë pas ndërprerjes.