EMRI/ Lëvizte në fshat i armatosur deri në “dhëmbë”, arrestohet 'i forti' në Pogradec, çfarë iu gjet të riut

Aktualitet

EMRI/ Lëvizte në fshat i armatosur deri në

Një 19-vjeçar është arrestuar nga policia pasi ka është kapur duke lëvizur në fshatin Llëngë të Pogradecit, i pajisur me armë zjarri, armë shpërthyese dhe municion.

Në pranga mësohet se ka rënë i riu, Halit Kalanxhi, të cilit i janë sekuestruar një armë zjarri pistoletë, 3 kapsolla detonatore, krehër dhe fishekë për pistoletën, si dhe një armë gjahu.


Kalanxhi, akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Njoftimi i policisë

Finalizohet pas disa javësh hetime proaktive, operacioni policor i koduar “Llënga”, për goditjen e një rasti të veprimtarisë kriminale të armëmbajtjes pa leje.

Lëvizte me këmbë, në fshatin Llëngë, i pajisur me pistoletë, armë gjahu, kapsolla detonatore dhe municion luftarak, arrestohet në flagrancë 19-vjeçari.



Sekuestrohen 2 armët, municion për to dhe 3 kapsollat detonatore.

Si rezultat i një hetimi të ndjekur për disa javë, me metoda proaktive, në bashkëpunim me Prokurorinë e Korçës, në bazë të informacioneve të siguruara nga inteligjenca policore, se një shtetas posedonte armë, armë shpërthyese dhe municion, shërbimet e  Komisariatit të Policisë Pogradec kanë finalizuar operacionin policor të koduar “Llënga”, si rezultat i të cilit u arrestua në flagrancë shtetasi:

-H. K., 19 vjeç, banues në fshatin Hondisht, Pogradec.

Gjatë kontrolleve të ushtruara ndaj 19-vjeçarit, i cili u lokalizua dhe u ndalua në fshatin Llëngë, iu gjetën në çantë, një armë zjarri pistoletë, 3 kapsolla detonatore, si dhe krehër dhe fishekë për pistoletën, ndërsa me vete iu gjet një armë gjahu. Të gjitha sendet e kundërligjshme u sekuestruan me cilësinë e provës materiale.

Në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Korçë, vijojnë hetimet për zbardhjen e rrethanave të këtij rasti dhe të qëllimit të këtij shtetasi.

Materialet procedurale i kaluan Prokurorisë, për veprime të mëtejshme për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”.

ME TE LEXUARAT