“E mora 13-vjeçe në shtëpi, ata duheshin”, nëna e Elton Metajt flet pas krimit në Fier

Ka folur për vrasjen e së resë në Fier, nëna e autorit, Elton Metajt. E tronditur nga krimi, gruaja ka treguar se nuk kishte dijeni për planin e djalit, ndërsa thekson se ata dy duheshin. Gjatë fjalës së saj, ajo ka treguar se ish- nusen e ka rritur vetë, pasi çifti janë fejuar qëkur viktima ishte 13-vjeçe.

“E donte me kohë. Ai fliste në telefon me atë, e donte, nuk e di se çfarë e ka shtyrë që ta vriste, po ta dija nuk do e ndodhte. Nuk e ka takuar në burg. Nuk ka pasur armë në shtëpi, kush ia ka dhënë që të përgjigjet, armët sheshit janë se ku e ka marrë, ku e bleu.

S’ka ardhur në shtëpi pas ngjarjes, policia po. Ata duheshin, nuk e prisja të ndodhte kjo, më vjen keq se e rrita vet, se mua më ka ikur dhe im bir bashkë me të. Frikë për një hakmarrje? Po edhe kanë të drejtë. Është e njëjtë dhimbja, si për ata si për mua, se e mora 13 vjeçe”, tha nëna.