Detaje të reja nga dhunimi i 21-vjeçarit në Tiranë, i prenë veshin, çfarë shkruhet në raportin e policisë

Detaje nga ngjarja e rëndë e ndodhur në Tiranë, ku një 21-vjeçar u plagos rëndë me sende të forta dhe jo vetëm nga 3 persona.

Tre autorët i kanë shkuar 21-vjeçarit te shtëpia dhe e kanë goditur me shishe në kokë. Përveç dëmtimeve të shumta, 21-vjeçarit i është prerë edhe një vesh.

Përmes një njoftimi, Policia bën të ditur se ka arrestuar 3 autorët, shtetasit Florjan Faslia, Mentor Daja dhe Samuel Tahiraj.

Po ashtu bëhet e ditur se ngjarja ka ndodhur pas një konflikti për motive të dobëta, ndërkohë që 21-vjeçari ndodhet në spital, nën kujdesin e mjekëve.

Materialet u referuan Prokurorisë për veprën penale “Plagosje e rëndë me dashje” e kryer në bashkëpunim.