Detaje: Sherri në shkollën Emin Duraku, nxënësi u dhunua me rrip nga bashkëmoshatarët!

Të tjera detaje kanë dalë në lidhje me sherrin e dhunshëm mes adoleshentëve të martën e kësaj jave në Tiranë.

Në konfliktin e dhunshëm në afërsi të shkollës 9-vjeçare “Emin Duraku” janë përfshirë nxënës të këtij institucioni arsimor dhe një nxënës i shkollës “Vasil Shanto”.

Në pamjet e bëra publike, pas mësimit duket njëri prej fëmijëve me rripin në dorë që ndjek nxënësin tjetër.

“Për rastin e Emin Duraku, Drejtoria Vendore e Policisë Tiranë ka kryer të gjitha veprimet. Kemi dy ditë që po bëjmë veprime. Sot ishim në një takim dypalësh mes shkollës Emin Duraku dhe Vasil Shanto, prej orës 13:00 deri në 16:00, me nxënësit e përfshirë në konflikt dhe prindërit e tyre.

Janë marrë kamerat dhe çdo informacion.

Është bërë një punë e përsosur nga SPZ-të e dy shkollave, oficerët e sigurisë, drejtorët e dy shkollave, psikologët dhe prindërit, me gjithë nxënësit e përfshirë për të parandaluar konfliktin më tej", tha policia për Tch.