Sherr i dhunshëm mes nxënësve në afërsi të shkollës Emin Duraku!

Një sherr mes adoleshentësh ka ndodhur të martën e kësaj jave në afërsi të shkollës 9-vjeçare “Emin Duraku” në kryeqytet.

Mësohet se pasi ka mbaruar mësimi, dy nxënës janë përplasur fizikisht me njëri-tjetrin në afërsi të ambienteve të institucionit. Pamjet e sherrit janë të regjistruara në kamerat e sigurisë, por për të mbrojtur identitetin e të miturve nuk do të bëhen publike, sipas Tch.

Dhuna mes adoleshentëve është një fenomen që ka shqetësuar shoqërinë tonë, dhe kryesisht muajt e fundit, ku një rast sherri përfundoi tragjikisht me vrasjen e 14-vjeçarit Martin Cani.