Dënohet me vdekje shoferi që vrau 35 persona në Kinë

Shoferi që vrau 35 persona në një qendër sportive në Zhuhai, në Kinën jugore, është dënuar me vdekje.

Burri i cili goditi me makinë dhe vrau 35 persona, udënua me vdekje.

Sipas BBC, 62-vjeçari Fan Weiqiu futi makinën e tij drejt qytetarëve pasi ishte i “pakënaqur” me mënyrën se si i ishte ndarë pasuria pas divorcit.

Gjykata e përshkroi motivin e tij si mizor.

Pas sulmit, Fan Weiqiu kishte goditur veten me thikë. Zemërimi i shkaktuar te qytetarët ishte i madh. Disa prej tyre kërkuan ekzekutimin e menjëhershëm të të dënuarit.

Autori i sulmit “nuk duhet të jetë në gjendje të festojë Vitin e Ri”, ka shkruar një person në rrjetet sociale.