Rrëzimi i avionit në Kazakistan, Rusia reagon pas akuzave: Ishin dronët luftarakë ukrainas

Hetimet në lidhje me rrëzimin e aivonit Embraer në Kazakistan në 25 dhjetor, vijojnë akoma ndërsa mbetet e pazbardhur arsyeja që shkakoti këtë aksident fatal.

Ndërkohë dyshimet paraprake tregojnë se avioni është rrëzuar nga një sulm i jashtëm i ndodhur nga raketat ruse. Në lidhje me këtë ngjarje nuk janë bërë akoma dokumentime zyrtare ndërsa dyshimet lindën nga shenjat që avioni kishte në fazadë.

Kreu i agjencisë së aviacionit civil të Rusisë ka reaguar në lidhje me këtë ngjarje duke thënë se situata në kryeqytetin çeçen ishte e ndërlikuar dhe se ishte vendosur një protokoll për ndalimin e fluturimeve.

“Dronët luftarakë ukrainas po kryejnë sulme terroriste në infrastrukturën civile në qytetet Grozny dhe Vladikavkaz. Për shkak të kësaj, në zonën e aeroportit të Groznit u prezantua një plan, duke parashikuar nisjen e menjëhershme të të gjithë avionëve nga zona”, tha Dmitry Yadrov, kreu i Rosaviatsia në një video.

Eksperët e aviacionit në Azerbajxhan besojnë se avioni është goditur nga copëzat e një rakete ruse, e cila ka shpërthyer në afërsi të Fluturimit 8432.

Nga rrëzimi i këtij avioni ndërruan jetë të paktën 38 persona dhe mbetën të plagosur rëndë dhjetra të tjerë.