Aksidentoi 5-vjeçarin në Vlorë, nisin hetimet për autorin

Policia e Vlorës njofton se ka nisur procedimin penal për shtetasin M. N., 55 vjeç, pasi më datë 21 gusht 2025, duke drejtuar automjetin e markës Ford në bulevardin “Ismail Qemali”, ka aksidentuar një fëmijë 5-vjeçar që po lëvizte me biçikletë.

I mituri ndodhet në spital dhe sipas informacionit të policisë, ndodhet jashtë rrezikut për jetën.

“U nis procedimi penal për shtetasin M. N., 55 vjeç, pasi më datë 21 gusht, në bulevardin “Ismail Qemali”, duke drejtuar automjetin e markës Ford, ka aksidentuar një të mitur 5-vjeçar që lëvizte me biçikletë. I mituri ndodhet në spital, jashtë rrezikut për jetën”, tha policia vendore.