Aksidenti me nipin e biznesmenit të qendrës "Pajtoni", procedohet shoferi nga Kosova

Policia e Durrësit njoftoi se ka proceduar në gjendje të lirë një shofer nga Kosova, pas aksidentit që i mori jetën djalit te sipërmarrësit Mentor Pajtoni dhe nipit i biznesmenit tjetër të suksesshëm Armando Pajtoni.

Policia thotë se 27-vjeçari ishte duke lëvizur me motor në aksin Kavajë-Rrogozhinë, kur përplasi nga pas makinën e shtetasit J.S nga Kosova.

Ndonëse shoferi i makinës rezultoi se nuk kishte konsumuar aklook, megjithate është proceduar në gjendje të lirë.

Si pasoje e aksidentit, Ildi Pajtoni mbeti i plagosur rende dhe u dergua ne spitalin e Traumes ku u mbajt ne trajtim te gjate por nuk arriti qe te mbijetoje si pasoje e plageve dhe demtimeve te marra. 

“Në lidhje me aksidentin rrugor të ndodhur rreth orës 10:15, të datës 26.06.2024, në autostradën “Kavajë-Rrogozhinë”, ku motomjeti me drejtues shtetasin A. P., 27 vjeç, banues në Tiranë, ka goditur nga mbrapa automjetin me drejtues shtetasin kosovar J. S., 38 vjeç, dhe si pasojë mbeti i dëmtuar 27-vjeçari, i cili u transportua në Spitalin e Traumës, ju informojmë se:

Në lidhje me këtë rast janë kryer të gjitha veprimet hetimore dhe procedurale, në drejtimin e Prokurorisë së Durrësit. Në përfundim të këtyre veprimeve, nisi procedimi në gjendje të lirë për shtetasin J. S., për veprën penale “Shkelja e rregullave të qarkullimit rrugor”.

Nga kryerja e testit të alkoolit, 38-vjeçari rezultoi 0.00 mg/l.

Dyshohet se për shkak të dëmtimeve nga ky aksident, ditën e djeshme, shtetasi A. P. ka humbur jetën në Spitalin e Traumës, Tiranë”, thuhet në njoftimin e policisë.