U përplas nga furgoni duke ecur me motor, humb jetën Ildi Pajtoni, si ndodhi aksidenti i djalit të biznesmenit

Amarildo Pajtoni, djali i sipërmarrësit Mentor Pajtoni, ka ndërruar jetë dy javë pasi u përfshi në një aksident tragjik me motor.

27-vjeçari, njëkohësisht nipi i sipërmarrësit Armando Pajtoni, ishte shtruar tek spitali i Traumes ku ndodhej në gjendje kome.

I njohur edhe si Ildi, nuk ka arritur të mbijetojë duke humbur jetë tragjikisht si pasoje e demtimeve qe pesoi ne aksident.

Ildi Pajtoni u përfshi në një aksident me motor në fshatin Harizaj, ku u përplas me një furgon me targa të Kosovës.

Lajmi i rëndë u persoll nga vëllai i viktimës, Redi Pajtoni, i cili në një postim shkruan: “Ah zemra e vëllait pse më le vetëm”.

Në rrjetet sociale kanë reaguar edhe miqtë e Ildi Pajtonit për ikjen e tij të parakohshme nga jeta.

27-vjeçari, i cili punonte si administrator i kompanive të familjes, por dhe si drejtues i bizneseve të vogla që kishte hapur, mbylli sytë përgjithmonë më 15 korrik.

Familja Pajtoni është ndër më të njohurat në Tiranë dhe Shqipëri, me angazhim të hershëm në biznesit e mermerit dhe aktivitetin tregtar të Qendrës Tregtare “Pajtoni”, në kilometrin e parë të rruges dytesore ne ane te autostradës Tiranë-Durrës.

Ne rrjetet sociale i riu publikonte vazhdimisht foto dhe video ku tregonte pasionin e tij per makinat dhe motorat.