Aksident në Fier, “Benz”-i përplaset me furgonin, plagosen dy shoferët

Nje aksident i rëndë ka ndodhur para pak minutash në afësi të Qafës së Koshovicës “ në Fier, ku janë përplasur dy automjete.

Një automjet tip “ Benz” është përplasur me një furgon mallrash dhe si pasojë e përplasjes së fortë janë plagosur dy drejtuesit e mjeteve, te cilët janë dërguar me urgjencë drejt spitalit rajonal të Fierit.

Në vendngjarje ndodhet policia dhe grupi hetimor të cilet po zbardhin dinamiken e këtij aksidenti të rëndë, jo vetem me të plagosur por edhe me dëme të shumta materiale.

Furgoni pas daljes nga rruga ka përfunduar në kanalin anësor teksa është kthyer përmbys. Ndërkohë në këtë aks është krijuar edhe një radhë e gjatë automjetesh prej disa kilometrash.