Aksident i rëndë në Tiranë, makina merr përpara këmbësorin te vijat e bardha

Një aksident i rëndë ka ndodhur ditën e sotme në kryeqytet, saktësisht në zonën e Astirit te Bulevardi “Migjeni”.

Sipas informacioneve paraprake, mësohet se një qytetar është përplasur nga një makinë teksa ka qenë duke kaluar vijat e bardha.

Ndërkohë, kalimtari është transportuar menjëherë në Spitalin Ushtarak në gjendje të rëndë, ku raportohet të jetë vendosur në koma.

Ende nuk dihen rrethanat e aksidentit, por policia është duke punuar për zbardhjen e plotë të rrethanave.