Aksident i rëndë në Korçë, një i vdekur e katër të plagosur

Korce - Një aksident rrugor, ku u përfshinë dy mjete, ndodhi këtë mbrëmje në fshatin Belorta në Korçë.

Një person humbi jetën dhe pesë tjerë mbetën të plagosur. Viktima u identifikua si Elvis Mizaku nga fshati Tërovë, ndërsa të lënduarit e tjerë u dërguan në spitalin e Korçës.

Në aksident u përfshinë një makinë tip “Hyundai” dhe një tjetër tip “Volkswagen”.

Përplasja ka qenë e fortë, aq sa një nga makinat ka përfunduar jashtë rrugës, e shkatërruar tërësisht.

Policia ka mberritur ne vendin e ngjarjes dhe ka nisur hetimet menjehere per ngjarjen.

Burimet thane se rreth orës 17:20, në aksin rrugor “Bilisht-Korçë” në afërsi të fshatit Belorta, Korçë, automjeti tip “Hyundai” me drejtues shtetasin N. M., është përplasur me automjetin tip “Volkswagen” me drejtues shtetasin V. M.

Për pasojë, janë dëmtuar 5 shtetas, ndërsa 1 tjetër ka mbetur i bllokuar në mjet dhe po punohet me shërbimet zjarrfikëse për t’a nxjerrë.

Të lënduarit jane transportuar në spitalin e Korçës për ndihmë mjekësore. Grupi hetimor po punon për përcaktimin e shkaqeve të aksidentit.